काठमाडौं । आशा लघुवित्त वित्तीय संस्थाको २५% बोनस सेयर सम्बन्धित सेयरधनीको डिम्याट खातामा जम्मा भएको छ । कम्पनीले हालसम्म डिम्याट गराएकाको बोनस सेयर खातामा सो बोनस सेयर पठाइदिएको हो ।

यद्यपि अहिलेसम्म पनि डिम्याट नगरेकाहरुले खातामा बोनस सेयर पाउनका लागि पहिला आफूसँग भएको भौतिक प्रमाणपत्र डिम्याट गर्नुपर्नेछ । अनिमात्र बोनस जम्मा हुनेछ ।

कम्पनीको कात्तिक २७ गते सम्पन्न साधारणसभाले गत आर्थिक वर्षको नाफाबाट २५% बोनस सेयर कर प्रयोजनार्थ १.३१% नगद लाभांश वितरण गर्ने प्रस्ताव पारित गरेको थियो ।