काठमाडौं । एभरेष्ट बैंक लिमिटेडले चालु आर्थिक वर्षको दोस्रो त्रैमासमा ८३ करोड ८९ लाख रुपैयाँ खुद नाफा कमाएको जनाएको छ ।बैंकको यो नाफा गत वर्षको भन्दा १२.७९% ले थोरै हो । गत वर्ष यसले ९६ करोड १९ लाख रुपैयाँ नाफा कमाएको थियो ।

यस्तै बैंकले दोस्रो त्रैमासको वित्तीय विवरण सार्वजनिक गर्दै खुद ब्याज आम्दानी १२.५०% ले बढेको र सञ्चालन नाफा भने १२.७४% ले घटेको जनाएको छ । पुस मसान्तसम्म आइपुग्दा बैंकको वितरणयोग्य नाफा २ अर्ब ४६ करोड रुपैयाँ छ । यो गत वर्षको भन्दा २६४.२८% धेरै हो ।

साथै बैंकको निक्षेप संकलन र कर्जा लगानी पनि क्रमशः ३.१२% र ११.७२% ले बढेको छ । प्रतिसेयर आम्दानी ३ रुपैयाँ ८३ पैसाले घटेर १७ रुपैयाँ ८ पैसा कायम भएको छ भने प्रतिसेयर नेटवर्थ भने २२१ रुपैयाँ ११ पैसा रहेको छ ।