काठमाडौं । नेपाल इन्फ्रास्ट्रक्चर बैंक (निफ्रा) ले चालु आर्थिक वर्षको दोस्रो त्रैमासमा ४४ करोड २६ लाख ४८ हजार रुपैयाँ खुद नाफा कमाएको जनाएको छ । कम्पनीले चालु आर्थिक वर्षको दोस्रो त्रैमासको वित्तीय विवरण सार्वजनिक गर्दै खुद नाफा २५.६६% बढेर ४४ करोड २६ लाख ४८ हजार रुपैयाँ कमाएको जनाएको हो ।

यसअवधिमा बैंकको खुद ब्याज आम्दानी ४४.६१% र सञ्चालन नाफा २५.५७% ले बढेपछि खुद नाफामा पनि सुधार भएको हो । बैंकको प्रतिसेयर आम्दानी भने १ रुपैयाँ ४४ पैसाले घटेर ४ रुपैयाँ ४३ पैसामा सीमित भएको छ । बैंकले हालै मात्र ८% बोनस वितरण गर्ने प्रस्ताव पारित गरेको छ ।

उक्त बोनस पुँजीकृत भएपछि चुक्ता पुँजी बढेर २१ अर्ब ६० करोड रुपैयाँ पुग्नेछ । जसका कारण अहिलेको प्रतिसेयर आम्दानी लगायत सूचकमा परिवर्तन आउन सक्नेछ । यसको प्रतिसेयर नेटवर्थ ११४ रुपैयाँ २२ पैसा छ ।