सो सम्बन्धमा समितिमा छलफल भइरहेको समितिका कार्यकारी निर्देशक राजुरमण पौडेलले बताएका हुन् । कोरोना बिमाबापत भुक्तानीको दाबी गरेको करिब २ वर्ष हुँदा पनि अझैसम्म बीमितहरुले रकम नपाएको चौतर्फी विरोध भएपछि समिति यस्तो निर्णयमा पुगेको हो ।

हालसम्म एक लाख ३८ हजार २५१ जनाले कोरोना बीमाको रकम पाउन बाँकी रहेको छ भने बीमाको दाबी रकम १३ अर्ब १९ करोड ७८ लाख ५५ हजार २१३ रुपैयाँ छ । सरकारले अहिलेसम्म ४१ करोड ९५ लाख १४ हजार ७ सय रुपैयाँ मात्र उपलब्ध गराएको छ । बाँकी रकमका लागि बजेटमा व्यवस्था पनि गरेको छैन । यसअघि पनि भूकम्पका बेलामा लाभांश रोकेको बीमा समितिले जनाएको छ ।