काठमाडौं । प्राइम कमर्सियल बैंकको चालु आर्थिक वर्षको दोस्रो त्रैमासमा खुद नाफा ७.४३% ले घटेको छ । बैंकले खुद नाफा ७.४३% ले घटेर १ अर्ब ६७ करोड ८५ लाख ८९ हजार रुपैयाँमा सिमित भएको जनाएको हो ।
खुद ब्याज आम्दानी ५.१७% र सञ्चालन नाफा ७.०७% ले घटेपछि प्राइमको खुद नाफामा पनि गिरावट आएको हो । यता, बैंकको वितरणयोग्य नाफा भने ८८ करोड ९६ लाख रुपैयाँ रहेको छ । रिजर्भ कोषमा १५.८२% वृद्धि भएपनि रिटेन्ड अर्निङ ६५.६५% ले घटेको छ ।
यस्तै बैंकको प्रतिसेयर आम्दानी पनि ४ रुपैयाँ ५६ पैसाले घटेको छ । हाल प्रतिसेयर आम्दानी १७ रुपैयाँ ९९ पैसा र प्रतिसेयर नेटवर्थ १३६ रुपैयाँ ९१ पैसा छ ।
