काठमाडौं । सांग्रिला डेभलपमेन्ट बैंकले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ । बैंकले खुद नाफा ५८.८७% ले बढाएर २६ करोड १८ लाख २२ हजार रुपैयाँ कमाएको वित्तीय विवरण सार्वजनिक गरेको हो ।

गत वर्षको सोहि अवधिमा बैंकले १६ करोड ४८ लाख ५ हजार रुपैयाँ मात्र खुद नाफा कमाएको थियो । बैंकको खुद ब्याज आम्दानी ४६.८१% र सञ्चालन नाफा ६८.१६% ले बढेका छन् । यस्तै बैंकको चुक्ता पूँजी ३ अर्ब नाघेको छ । बैंकको अनुसार प्रतिसेयर आम्दानी १७ रुपैयाँ ३९ पैसा र प्रतिसेयर नेटवर्थ १३० रुपैयाँ ९७ पैसा रहेको छ ।