काठमाडौँ । सानिमा मिडिल तमोर हाइड्रोपावर लिमिटेडले आइपिओ जारी गर्ने भएको छ । कम्पनीको पुस १४ गते सम्पन्न साधारणसभाले कम्पनीको जारी पूँजीको ३० प्रतिशत सेयर सर्वसाधारणको लागि निष्कासन गर्ने प्रस्ताव पारित गरेको हो ।

हाल कम्पनीको जारी पूँजी ३ अर्ब ३३ करोड २५ लाख रहेको छ । कम्पनीले त्यसको ३० प्रतिशतले हुन आउने ९९ करोड ९७ लाख ५० हजार बराबरको ९९ लाख ९७ हजार ५ सय कित्ता सेयर निष्कासन गर्ने तयारी गरेको हो । जस मध्ये १० प्रतिशत अर्थात् ३३ लाख ३२ हजार ५ सय कित्ता आयोजना प्रभावित स्थानीयलाई, १५ प्रतिशत अर्थात् ४९ लाख ८८ हजार ७ सय ५० कित्ता आम सर्वसाधारणलाई र ५ प्रतिशत अर्थात् १६ लाख ६६ हजार २ सय ५० कित्ता कम्पनीको कर्मचारीलाई छुट्याईएको छ ।

कम्पनीले ताप्लेजुङमा ७३ मेगावाटको मिडिल तमोर हाइड्रोपावर आयोजना निर्माण गरिरहेको छ ।