काठमाडौं । काठमाडौं जिल्ला अदालतले नेपाल बङ्गलादेश (एनबि) बैंकमा रहेको आईएफआईसी बैंकको सेयर विनोद चौधरीलाई नबेच्न आदेश दिएको छ । सनराइज बैंकका अध्यक्ष मोतीलाल दुगडले दायर गरेको मुद्दामा अदालतले उक्त आदेश दिएको हो । जससंगै हाललाई एनबि र नबिल बैंकको मर्जर प्रक्रिया भाँडिएको छ ।

यस्तै अदालतले ७ दिनभित्रमा विपक्षी नेपाल बंगलादेश बैंकलाई लिखित जवाफ पेश गर्न आदेश दिएको छ । ‘नेपाल बंगलादेश बैंकको ३ करोड ६८ लाख २७ हजार ४२६ कित्ता सेयर १५७ रुपैयाँका दरले खरीद गर्न ३१ मार्च २०२१ मा राखिएको प्रस्ताव स्वीकार गरी विपक्षीबाट २ अप्रिल २०२१ मा स्वीकृत गरी करार कार्य अगाडि बढिसकेको भन्ने उजुरी साथ पेश गरेको पत्रबाट देखिन्छ,’ आदेशमा भनिएको छ ।

आदेश दुगड समूहले अदालतले दिएको आदेश राष्ट्र बैंकलाई पनि जानकारी गराई सकेको छ ।