काठमाडौं । सिद्धार्थ बैंकले चालु आर्थिक वर्षको दोस्रो त्रैमासको वित्तिय विवरण सार्वजनिक गरेको छ । बैंकले सो अवधिमा खुद नाफा ७१.६८% ले बढेर १ अर्ब ५७ करोड रुपैयाँ पुगेको जनाएको हो । यो नाफा गत वर्षको भन्दा ७१.६८% ले धेरै हो । बैंकले गत वर्ष ९१ करोड ८७ लाख रुपैयाँ नाफा कमाएको थियो ।
यस्तै बैंकको खुद ब्याज आम्दानी १८.७९% र सञ्चालन नाफा ७०.३२% ले बढेको छ । निक्षेप संकलन र कर्जा लगानी पनि क्रमशः ४.३५ र ११.५४% ले बढेको छ । यसको वितरणयोग्य नाफा ६८ करोड ८३ लाख रुपैयाँ छ ।
साथै बैंकको प्रतिसेयर आम्दानी ६ रुपैयाँ ३ पैसाले बढेर २५ रुपैयाँ १२ पैसा कायम भएको छ । पुस मसान्तसम्म बैंकको प्रतिसेयर नेटवर्थ १७१ रुपैयाँ २५ पैसा रहेको छ ।
