काठमाडौं । स्वाभिमान लघुवित्त वित्तीय संस्थाको खुद नाफा २१.८६% ले घटेको छ । कम्पनीले चालु आर्थिक वर्षको दोस्रो त्रैमासको वित्तीय विवरण सार्वजनिक गर्दै खुद नाफा २१.८६% ले घटेर २ करोड १९ लाख २२ हजार रुपैयाँमा सिमित भएको जनाएको हो ।

यस अवधिमा संस्थाको खुद ब्याज आम्दानी २५.५७% ले बढेको छ भने सञ्चालन नाफा ३४.३६% ले घटेको छ । रिजर्भ कोष पनि २२.२०% ले घटेर ५ करोड ३४ लाख रुपैयाँमा सीमित भएको छ । कम्पनीको चुक्ता पूँजी भने ५८.७६% ले बढेर १२ करोड १७ लाख ८२ हजार रुपैयाँ पुर्याएको छ ।

पुस मसान्तसम्म आइपुग्दा प्रतिसेयर आम्दानी ३६ रुपैयाँ र प्रतिसेयर नेटवर्थ १२५ रुपैयाँ ८७ पैसा रहेको छ ।