काठमाडौं । धौलागिरी लघुवित्त वित्तीय संस्थाले चालु आर्थिक वर्षको दोस्रो त्रैमासमा खुद नाफामा ४९३.१९% को छलाङ मारेको छ । कम्पनीले २ करोड १५ लाख रुपैयाँ खुद नाफा कमाएको वित्तीय विवरण सार्वजनिक गरेको हो ।

पुस मसान्तसम्म कम्पनीको खुद ब्याज आम्दानी ३०.६०% ले बढेर ५ करोड १६ लाख पुगेको छ भने १ करोड ८८ लाख रुपैयाँ सञ्चालन नाफा आर्जन गरेको छ । गत वर्ष २ करोड ८६ लाख रुपैयाँ सञ्चालन नोक्सानमा रहेको थियो । यस्तै पुस मसान्तसम्म ६२ करोड १४ लाख रुपैयाँ निक्षेप संकलन गरेको यो कम्पनीले १ अर्ब ४४ करोड रुपैयाँ कर्जा लगानी गरेको छ ।

कम्पनीको रिजर्भ कोषमा १० करोड ५३ लाख रहेको छ भने प्रतिसेयर आम्दानी २० रुपैयाँ ७२ पैसाबाट बढेर ६१ रुपैयाँ ४५ पैसा (बार्षिक) कायम भएको छ ।