काठमाडौँ । प्रधानमन्त्री शेरबहादुर देउवाले जेठ ४ गते स्थानीय तहको निर्वाचन हुने बताएका छन् । प्रधानमन्त्री देउवाले पार्टीको बागमती प्रदेशका पदाधिकारीहरूको भेटमा जेठ ५ गतेबाट बहालवाल स्थानीय जनप्रतिनिधिको कार्यकाल सकिने भएकाले त्यसअघि नै चुनाव गर्ने बताएका हुन् ।

त्यस्तै चुनावकै मितिको टुंगो लगाउन प्रधानमन्त्री देउवाले आजै निर्वाचन आयोगका पदाधिकारीसँग छलफल गर्ने गर्दैछन् । सोमबार बागमती कांग्रेसका पदाधिकारीहरू सभापतिसमेत रहेका प्रधानमन्त्री देउवालाई भेट्न गएका थिए। यता निर्वाचन आयोगले सरकारलाई स्थानीय चुनावको मिति तोक्न पटकपटक आग्रह गरिरहेको छ।