">
काठमाडौं । मालपोत कार्यालय चावहिलका खरिदार लक्ष्मण बस्नेतसहित तीन जनालाई घुससहित पक्राउ परेका छन् । अख्तियरा दुरुपयोग अनुसन्धान आयोगले बस्नेतसहित तीन जनालाई एक लाख ३५ हजार घुस सहित नियन्त्रणमा लिएको हो ।
आयोगको टंगालबाट खटिई गएको टोलीले खरिदार लक्ष्मण बस्नेतले जग्गा नामसारी गर्ने सिलसिलामा आलटाल गरी सामान्य प्रकृयाबाट हुने कामको लागि सेवाग्राहीसँग घुस/रिसवत बापत एक लाख ३५ हजार माग गरिरहेको भन्ने सूचनाका आधारमा उनलाई पक्राउ गरेको जनाएको छ ।
बस्नेतसहित होटल व्यवसायी मिना मगर र लेखापढी व्यवसायी विनोद श्रेष्ठ समेतलाई सेवाग्राहीबाट उक्त रकम घुस लिइसकेको अवस्थामा काठमाडौं महानगरपालिका–७ चावहिल स्थित मुस्ताङ हाम्रो थकाली भान्छाघरबाट उक्त रकमसहितआयो नियन्त्रणमा लिएको हो ।
