काठमाडौं । नियामक निकाय नेपाल धितोपत्र बोर्ड लामो समय प्रमुख बिहिन हुँदा आइपीओ पनि पाइपलाइनमै रोकियो । पाँच महिनापछि बोर्डको संचालक समितिले आइपीओ निष्काशनका लागि आवेदन दिएका ६ कम्पनीलाई एकैसाथ आइपीओ निष्काशनको अनुमति दियो । यद्यपि बोर्डमा अझै पनि प्रमुखको नियुक्ति हुन सकेको छैन ।
यता जाल्पा सामुदायिक लघुवित्तले आज शुक्रबारदेखि आइपीओ बिक्रीमा ल्यायो । तर सर्वसाधारण सो भर्दा मेरो सेयर नचल्दा निकै दुख पाइरहेका छन् । लामो समय पर्खाइपछि आएको आइपीओसमेत भर्न नपाउँदा उनीहरु सिस्टम र सम्बधित निकायप्रति आक्रोश व्यक्त गरिरहेका छन् । यद्यपि मेरो सेयर नचल्ने समस्या आजको मात्रै होइन । यो समस्या यसअघिका कम्पनीको आइपीओ खुल्दा पनि सर्वसाधारणकले भोग्दै आइरहेका छन् ।
उता सरोकारवाला निकायले सिडीएससीले एकै पटक हजारौंले आवेदन दिँदा समस्या आएको बताउँदै आइरहेको छ । अहिले वेबसाइटबाट आवेदन दिन मिल्ने भए पनि त्यहाँ पनि सारै स्लो भएको धेरैले गुनासो गरेका छन् । साथै एप भने लग इन नै नभएको गुनासो आएको छ । जाल्पाले आजदेखि प्रतिकित्ता १०० रुपैयाँको दरले ५,२२,००० कित्ता साधारण सेयर (आइपिओ) निष्काशन गरेको छ ।
