काठमाडौं । नेपाल राष्ट्र बैंक चालु आर्थिक वर्षको मौद्रिक नीतिको अर्धवार्षिक समीक्षा सार्वजनिक गर्ने अन्तिम तयारीमा रहेको छ । राष्ट्र बैंकले आज (बिहिबार) साँझ ६ पछि नै मौद्रिक नीतिको अर्धवार्षिक समीक्षा सार्वजनिक गर्ने तयारी गरेको हो । यता राष्ट्र बैंक आर्थिक अनुसन्धान विभागले सोमबार नै विभागीय र उच्च व्यवस्थापनसँग छलफल गरी मौद्रिक नीति समिक्षाको मस्यौदा गभर्नर महाप्रसाद अधिकारीलाई बुझाइसकेकाले आज सार्वजनिक गर्ने तयारी गरिएको हो ।
‘बिहिबार साँझ ६ बजेतिर सञ्चालक समितिको बैठक बोलाइएको छ’ राष्ट्र बैंक स्रोतले भन्यो ‘सोही बैठकले मौद्रिक नीतिको समीक्षालाई स्वीकृत गर्नेछ र त्यस लगत्तै मौद्रिक नीतिको समीक्षा हुने सम्भावना बलियो छ ।’ यद्यपी मौद्रिक नीतिको अर्धवार्षिक समीक्षामा खासै ठूलो नीतिगत परिर्वतन नहुने र तरलताको समस्या समाधान गर्नको लागि केही व्यवस्था हुने बताइएको छ ।
