काठमाडौं । सांग्रिला डेभलपमेन्ट बैंकले दाङको गढवा गाउँपालिकामा शाखा संचालनमा ल्याएको छ । उक्त शाखाको उद्घाटन गढवा गाउँपालिका अध्यक्ष सहजराम अहिरले गरेका हुन् । गढवा शाखा कार्यालय संचालनमा आएसँगै त्यस क्षेत्रका सर्वसाधारणलाई सहज बैंकिङ सुविधा पुग्ने विश्वास बैंकको छ ।

योसँगै बैंकको कुल शाखा संख्या १०९ पुगेको बैंकले जनाएको छ । बैंकले हरेक सम्भावित क्षेत्रमा सेवा उपलब्ध गराउने अभिप्रायले अन्य विभिन्न स्थानहरुमा चाँडै नै थप शाखा कार्यालय संचालन गर्ने योजना बनाएको छ ।