काठमाडौं । शिखर इन्स्योरेन्सको ३०% हकप्रद सेयरमा मूल्य समायोजन भएको छ । नेप्सेले शिखरको ३०% हकप्रदपछि समायोजित सेयर भाउ प्रतिकित्ता १ हजार ५५०.७७ रुपैयाँ कायम गरेको छ । आइतबार सोही भाउलाई आधार मानेर शिखरको सेयर कारोबार खुल्नेछ ।
कम्पनीले १०ः३ अनुपातमा हकप्रद निष्कासन प्रयोजनका लागि आज शुक्रबार (माघ २१ गते) बुक क्लोज गरेका कारण नेप्सेले सेयर भाउ समायोजन गरेको हो । शिखरको हकप्रद सेयरमा बिहीबार (माघ २० गते) सम्म कायम रहेका सेयरधनीहरुले आवेदन दिन पाउनेछन् ।
