काठमाडौ । शिखर इन्स्योरेन्स कम्पनीको हकप्रद सेयरमा बिहिबारसम्म कायम सेयरधनीले आवेदन गर्न पाउने छन् । कम्पनीले हकप्रद सेयर निष्कासन प्रयोजनको लागि माघ २१ गते बुक क्लोज गरेसँगै माघ २० गते बिहिबारसम्म कायम सेयरधनीले हकप्रद सेयरमा आवेदन दिन पाउने भएका हुन् ।

कम्पनीले ३० प्रतिशत अर्थात् १ अनुपात शून्य दशमलव ३ अनुपातमा रू. १०० अंकित दरको ५२ लाख ७५ हजार ५७२ कित्ता हकप्रद सेयर निष्कासन गर्ने तयारी गरिरहेको छ । बिक्री प्रबन्धकमा एनआइबिएल एस क्यापिटल लिमिटेड रहेको छ ।