काठमाडौं । आरम्भ चौतारी लघुवित्त वित्तीय संस्थाको लाभांश सुरक्षित गर्ने बुधबार अन्तिम दिन रहेको छ । भोलि कार्यालय समय भित्र सेयर किन्नेहरुले कम्पनीको २१ प्रतिशत बोनस सेयर पाउने भएका हुन् ।

कम्पनीले साधारणसभा र लाभांश वितरण प्रयोजनको लागि चैत १७ गतेदेखि २७ गतेसम्म बुक क्लोज गरेकाले चैत १६ गते बुधबारसम्म कायम सेयरधनीले सभामा भाग लिन र लाभांश पाउने छन् । कम्पनीले गत आवसम्मको मुनाफाबाट सेयरधनीलाई २१ प्रतिशत बोनस सेयर वितरण गर्ने प्रस्ताव गरेको छ ।

उक्त प्रस्ताव पारित गर्नका लागि कम्पनीले चैत २७ गते साधारणसभा बोलाएको छ । कम्पनीको सभा बनेपा पार्टी भेन्यू, बनेपा – ८, काभ्रेपालञ्चोकमा हुने भएको छ ।