काठमाडौं । नयाँ कम्पनी खोल्नेहरुको संख्या बढेको छ । कोरोना संक्रमणकै बीचमा पनि नयाँ कम्पनी खोल्नेहरुको संख्या बढेको हो । कम्पनी रजिष्ट्रार कार्यालयको विवरणअनुसार दुई वर्षको अवधिमा ४७ हजारभन्दा बढी कम्पनी दर्ता भएका छन् ।
चालु आर्थिक वर्ष २०७८/७९ को ७ महिनासम्ममा १९ हजार १ सय ७२ कम्पनी दर्ता भएका छन् । पछिल्लो २३ महिनासम्ममा ४७ हजार ३ सय ५३ नयाँ कम्पनी दर्ता भएका हुन् । यस्तै आर्थिक वर्ष २०७७/७८ मा कम्पनी दर्ताको संख्या २६ हजार ४ सय ९८ रहेको थियो । जुन अघिल्लो वर्षको तुलनामा ४२.२ प्रतिशतले बढी हो । आर्थिक वर्ष २०७६/७७ मा कम्पनी दर्ता संख्या १८ हजार ६ सय २८ रहेको थियो ।
गत वर्ष दर्ता भएको कम्पनी संख्या पछिल्लो पाँच वर्ष यताकै उच्च भएको रजिष्ट्रारको कार्यालायले जनाएको छ । तर कम्पनी दर्ता भएअनुसार संचालनमा नआएको पनि कार्यालायले जनाएको छ । हालसम्म नेपालमा २ लाख ७६ हजार ४ सय १२ कम्पनी दर्ता भएका छन् । जसमध्ये प्राइभेट कम्पनीका ७ लाख १२ हजार २ सय १७ जना सेयर सदस्य रहेका छन् भने नाफा वितरण नगर्ने कम्पनीको संख्या २५ हजार १ सय २२ रहेका छन् ।
