×

Live on

रेडियो अर्थ सरोकार

Listen to live radio.

एचआइडीसीएलले संस्थापक सेयर लिलामी बोलपत्रवालाको रकम शुक्रबारबाट फिर्ता गर्ने

GLOBAL IME BANK
KAMANA SEWA BIKAS BANK

एचआइडीसीएलले संस्थापक सेयर लिलामी बोलपत्रवालाको रकम शुक्रबारबाट फिर्ता गर्ने

४ चैत्र २०७८, शुक्रबार

पढ्न लाग्ने समय: १ मिनेटभन्दा कम

काठमाडौं । जलविद्युत लगानी तथा विकास कम्पनी (एचआइडीसीएल)ले संस्थापक सेयर लिलामी बोलपत्रवालाको रकम फिर्ता गर्ने भएको छ । कम्पनीले फागुन १ गतेबाट बिक्री खुल्ला गरेको लिलामी सेयरमा शिलबन्दी बोलपत्र पेश गरेका लगानीकर्ताहरुलाई रकम फिर्ता गर्न लागेको हो । कम्पनीले उक्त रकम आज चैत ४ गतेबाट फिर्ता गर्ने भएको छ ।

कम्पनीको लिलामी प्रक्रिया केहि समय लम्बिने भएपछि चैत्र २ गते नेपाल धितोपत्र बोर्डले कम्पनीलाई सो अवधि भित्र आवेदकहरुको संकलित रकम फिर्ता गर्न निर्देशन दिएको थियो । सोही कारण लगानीकर्ताहरुको रकम फिर्ता गर्न लागेको हो । बोर्डले फागुन १२ गतेको पत्रबाट अर्को सूचना प्रकाशित नभएसम्मको लागि सेयर लिलामी नआउने भएको छ । उक्त रमक प्राप्त गर्नका लागि बोलपत्र बुझाएको संकलन केन्द्रहरुमा स्वयं उपस्थित हुनुपर्नेछ । साथै बोलपत्र दर्ता गर्दाको सक्कल दर्ता रसिद र नागरिकता वा आफ्नो परिचय खुल्ने कागजातको प्रतिलिपि अनिवार्य रुपमा पेश गर्नु पर्नेछ ।

त्यस्तै बैंक भौचर तथा आइपीएसमार्फत रकम जम्मा गरेका बोलपत्रवालाहरुको हकमा भने कम्पनीले तोकेको ढाँचामा सक्कल बैंक भौचर तथा आइपीएसको स्टेटमेन्छ राखेर निवेदन दिनु पर्नेछ । बोलपत्रवालाको रकम निष्कासन बैंकको खातामा जम्मा भएको यकिन गरे पश्चात् बोलपत्रवालाहरुको निवेदनमा उल्लेख भएको बैंक खातामा उक्त रकम निवेदन प्राप्त भएको भोलि पल्ट रकम जम्मा हुने भएको छ ।

त्यस्तै गुड फर पेमेन्ट चेकमार्फत बोलपत्र पेश गरेका बोलपत्रवालाहरुको हकमा उक्त चेक क्यान्सिल गर्नका लागि उक्त चेक संलग्न गरी निवेदन दिनु पर्नेछ । त्यसपछि उक्त निवेदनको आधारमा चेक जारी गर्ने सम्बन्धित बैंकको नाममा चेक उपलब्ध गराउने कम्पनीले जनाएको छ ।

CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: