काठमाडौं । मंगलबार नेपाल स्टक एक्सचेञ्ज (नेप्से) मा तीन कम्पनीको बोनस सेयर सूचिकृत भएको छ । नेप्सेमा नबिल बैंक लिमिटेड, एक्सल डेभलपमेण्ट बैंक लिमिटेड र स्वाभिमान लघुवित्त वित्तीय संस्था लिमिटेडको बोनस सेयर सूचिकृत भएको हो ।

नबिल बैंकको ३३.६० प्रतिशत बोनस बापतको ४ करोड ६५ लाख १७ हजार ३ सय ५५ दशमलब ८९ कित्ता, एक्सल डेभलपमेण्ट बैंकको १२ प्रतिशत बोनस बापतको ९ लाख ७३ हजार ३ सय ४५ दशमलब ४६९७ कित्ता र स्वाभिमान लघुवित्त वित्तीय संस्थाको ३२.३० प्रतिशत बोनस बापतको २ लाख ९७ हजार ३ सय २१ दशमलब ५० कित्ता सेयर सूचिकृत भएको हो ।