काठमाडौं । नेशनल हाइड्रोपावर कम्पनीको फागुन ३० गते सोमबार (आज) वार्षिक साधारण सभा बस्ने भएको छ । सभा बिहान ११ बजेबाट सुरु हुने भएको छ । उक्त सभा भर्चुअल माध्यमबाट हुने कम्पनीले जनाएको छ । सभाले गत आर्थिक वर्षको नाफाबाट १८.५२५ प्रतिशत बोनस सेयर र कर तिर्न ०.९७५ प्रतिशत नगद लाभांश वितरण गर्ने प्रस्ताव पा।िरत गर्ने भएको छ ।
यस्तै सभाले चुक्ता पुँजीको ५० प्रतिशत हकप्रद सेयर जारी गर्ने प्रस्ताव पनि पारित गर्नेछ । नेशनल हाइड्रोपावरले सुनकोशी हाइड्रोपावर कम्पनीलाई एक्वायर गर्ने प्रस्ताव पनि सभामा पेश गर्ने भएको छ । सुनकोशी हाइड्रोपावरलाई नेशनल हाइड्रोपावरले १ः०.२५ अनुपातमा एक्वायर गर्ने प्रस्ताव सभामा लैजाने भएको हो । जसअनुसार सुनकोशीको १०० कित्ता सेयर हुनेले एक्विजिसनपछि नेसनलको २५ कित्ता सेयर पाउने भएकोछन् ।
सभाले एक्विजिसन सम्बन्धी भएका सम्पूर्ण कार्यहरु अनुमोदन गर्नेछ । यता सभामा ७ जना सञ्चालकहरुको निर्वाचन पनि हुनेछ । कम्पनीले सभा प्रयोजनका लागि फागुन १३ गते बुक क्लोज गरिसकेको छ । तर्सथ फगुन १२ गतेसम्म नेप्सेमा कायम रहेका सेयरधनीहरुले मात्र सभामा भाग लिन र प्रस्तावित लाभांश पाउने भएको छन् ।
