काठमाडौं । एनसीसी बैंकले ४ लाख ७७ हजार ५२६ कित्ता संस्थापक सेयर बिक्री गर्ने भएको छ । बैंकका ७ जना संस्थापक सेयरधनीले आफ्नो स्वामित्वमा रहेको ४ लाख ७७ हजार ५२६ कित्ता सेयर बिक्री गर्ने भएका हुन् ।

संस्थापक सेयरधनी जीत बहादुर श्रेष्ठको नाममा ५० हजार, जस श्रेष्ठको ५० हजार, बिनु श्रेष्ठको ८५ हजार, लिला बहादुर गुरुङको ८८ हजार ६५४, अच्युत बहादुर हाडा र तनुजा जोशी हाडाको नाममा समान १९ हजार ४३६ कित्ता, एनबि इन्भेष्टमेन्टको नाममा १ लाख ६५ हजार सेयर रहेको छ ।

सो सेयरमा एनसीसीकै संस्थापक सेयरधनीले ३५ दिनभित्र बैंकको बागबजार काठमाडौंमा रहेको सेयर विभाग कार्यालयमा निवेदन दिनुपर्नेछ । यस अवधिमा कुनै पनि संस्थापकबाट आवेदन नपरेमा भने सर्वसाधारण लगानीकर्तालाई बिक्री खुला गरिने छ ।