काठमाडौँ । नेपाल स्टक एक्सचेञ्ज (नेप्से) मा आइतबार विभिन्न ३ कम्पनीको बोनस सेयर सूचिकृत भएको छ । नेप्सेमा एनएमबि बैंक लिमिटेड, एभरेष्ट बैंक लिमिटेड र गणपति लघुवित्त वित्तीय संस्था लिमिटेडको बोनस सेयर सूचिकृत भएको हो ।

एनएमबि बैंककाे १२.५० प्रतिशत बोनस बापतको २ कराेड ४ लाख ७ हजार ४ सय ५१ दशमलव ०७ कित्ता सेयर सूचिकृत भएको छ भने एभरेष्ट बैंककाे ६ प्रतिशत बोनस बापतको ५३ लाख ३६ हजार २ सय ३० दशमलव ३१ कित्ता सेयर सूचिकृत भएको छ ।

यता गणपति लघुवित्त वित्तीय संस्था लिमिटेडकाे १९ प्रतिशत बोनस बापतको २ लाख ४१ हजार ९ सय ७७ दशमलव ८२५० कित्ता सेयर सूचिकृत भएको हो ।