काठमाडौं । नेपाल फाइनान्सको २९औं वार्षिक साधारणसभा वैशाख ३ गते हुने भएको छ । कम्पनीको सभा होटल एल्लो प्यागोडा, कान्तिपथ काठमाडौंमा बिहान ११ बजेबाट हुने भएको हो ।
सभामा अन्य कुनै बैंक तथा वित्तीय संस्थासँग मर्जर वा एक्विजिसनमा जानु परेमा सम्पूर्ण अख्तियारी सञ्चालक समितिलाई दिने विशेष एजेन्डा रहेको छ । आर्थिक वर्ष २०७७/७८ को वार्षिक प्रतिवेदनमा छलफल गर्ने र नाफा–नोक्सान हिसाब पारित गर्ने एजेन्डा रहेको छ ।
लेखापरीक्षक नियुक्त गरी पारिश्रमिक निर्धारण गर्ने प्रस्ताव पनि पेश हुँदैछ । सभाको लागि कम्पनीले चैत १७ गते बुक क्लोज गर्दैछ । चैत १६ गतेसम्म कायम सेयरधनीले सभामा भाग लिन सक्नेछन् ।
