काठमाडौं । नेपाल धितोपत्र बोर्डले देशैभरी ’ग्लोबल मनी वीक’ मनाउने भएको छ । बोर्डले चैत्र ७ गते देखि १३ गतेसम्म ग्लोबल मनी वीक मनाउने भएको हो । सेयर बजारमा लगानी गर्ने लगानीकार्ताको हक हित र संरक्षण गर्ने मुख्य उद्देश्यका साथ बोर्डले बजार सम्बन्धी साक्षरता अभिवृद्धि लगायतका कार्यक्रम संचालन गर्ने भएको हो ।

बोर्डले चैत्र ७ मा वित्तीय सेवा साक्षरता र महत्वको विषयमा नेपाल धितोपत्र बोर्ड, नेपाल राष्ट्र बैंक, बीमा समिति र सहकारी विभागले संयुक्त रुपमा कार्यक्रम सञ्चालन गर्नेछ । त्यस्तै चैत्र ८ मा पम्पलेट तथा लिफ्लेट प्रकाशन तथा वितरण गर्ने बोर्डले जनाएको छ ।

यस्तै कार्यक्रमको चैत्र ९ गते देशको विभिन्न प्रदेशमा धितोपत्र बजारसम्बन्धी शिक्षा तथा सचेतना अभिवृद्धि कार्यक्रम गर्ने र १० गते धनगढीमा धितोपत्र बजारका आधारभूत पक्षहरुको प्रदेशस्तरीय अन्र्तक्रियात्मक कार्यक्रम गर्ने भएको छ ।

त्यसैगरी चैत्र ११ र १२ मा सामुहिक लगानी कोष र क्रेडिट रेटिगं विषयमा सचेतना अभिवृद्धि गर्ने र सेयर बजार तथा वस्तु विनिमय बजारका बारेमा रेडियो नेपालमा कार्यक्रम सञ्चालन गर्ने भएको छ । बोर्डले कार्यक्रमको अन्तिम दिन चैत्र १३ गते बोर्ड तथा बजार सहभागीताहरुले धितोपत्र बजार विषयमा समेटिएका अध्ययन सामाग्रीहरु प्रकाशन तथा वितरण गर्ने भएको छ ।