काठमाडौं । सिद्धार्थ इन्भेष्टमेन्ट ग्रोथ स्कीम–२ को प्रतिइकाई खुद सम्पति मूल्य (न्याभ) घटेको छ । फागुन महिनामा प्रतिइकाई खुद सम्पति मूल्य (न्याभ) ५० पैसाले घटेर १३ रुपैयाँ ७६ पैसामा कायम भएको छ । जुन माघ महिनामा १४ रुपैयाँ २६ पैसा थियो ।

फागुन मसान्तसम्म यसले विभिन्न म्युचुअल फन्डसहित ८० वटा कम्पनीको सेयरमा लगानी गरेको छ । जसमा यसले २२ लाख ११ हजार ४०१ कित्ता सेयर होल्ड गरेको छ । यस अवधिमा यो फन्ड कुल ११ करोड ७६ लाख ५२ हजार रुपैयाँ नोक्सानमा रहेको छ ।

सो अवधिमा सूचीकृत कम्पनीको सेयरमा लगानी रकम पनि घटेर १ अर्ब ३५ करोड ८० लाख रुपैयाँमा आएको छ । यता, यसको बैंक मौज्दात भने १२ करोड १७ लाख रुपैयाँबाट बढेर फागुन महिनामा १२ करोड ९० लाख रुपैयाँ पुगेको छ । मुद्दति निक्षेपमा ६ करोड रुपैयाँ जम्मा गरेको छ ।