काठमाडौं । साताको कारोबारको दोस्रो दिन सोमबार नेप्से परिसूचक झिनो अकंले बढेको छ । आइतबारको तुलनामा नेप्से परिसूचक १.५४ अंकले बढेर २५४४.९३ बिन्दुमा पुगेको हो । नेपाल स्टक एक्सचेन्ज (नेप्से) का अनुसार सोमबार कुल २३० कम्पनीको ५३ लाख १५ हजार २९२ कित्ता सेयर खरिद बिक्री हुँदा २ अर्ब ६० करोडमाथिको सेयर कारोबार भएको छ । आज पनि सबैभन्दा बढी कारोबार शिभम् सिमेन्टको भएको छ । यस कम्पनीको २७ करोड ६९ लाख ३२ हजार ८६३ रुपैयाँ बराबरको सेयर कारोबार भएको हो ।
यस्तै सोमबारको सेयर बजारमा पाँचथर पावर कम्पनीका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशतभन्दा बढीले घटेको छ । पाँचथरको सेयरमा यस्तो गिरावट आउँदा पञ्चकन्या माई हाइड्रोपावर, कर्पोरेट डेभलपमेन्ट बैंक, बरुण हाइड्रोपावर र माउन्टेन हाईड्रो नेपालमा पनि उच्च गिरावट देखिएको छ । हेर्नुहोस् सोमबारको सेयर बजारमा सबैभन्दा बढी गुमाउने टप १० कम्पनीहरुको सूचीः
यसैबीच सोमबारको बजारमा पनि सबैभन्दा बढी कारोबार शिभम् सिमेन्टको भएको छ । यस कम्पनीको २७ करोड ६९ लाख ३२ हजार ८६३ रुपैयाँ बराबरको सेयर कारोबार भएको हो । यस अलावा नेपाल टेलिकम, नेपाल लाइफ इन्स्यारेन्स, एनआईसी एशिया बैंक, पाँचथर पावर कम्पनी, नेपाल बैंक, अपि पावर कम्पनी, हिमालयन डिस्टिलरी, अरुण भ्याली हाइड्रोपावर र नबिल बैंकको पनि अत्याधिक कारोबार भएको छ । हेर्नुहोस् सोमबारको सेयर बजारमा सर्वाधिक कारोबार हुने कम्पनीहरुको सूचीः
यसैगरी सोमबारको सेयर बजारमा बुद्ध भुमी नेपाल हाइड्रोपावर कम्पनी र बोटर्लस नेपाल (तराई) का लगानीकर्ताले मनग्य पैसा छापेका छन् । यी कम्पनीको सेयर मूल्य ५ प्रतिशतभन्दा बढीले घटेका हुन् । यस अलावा सामुदायिक लघुवित्त, इर्मजिङ नेपाल, शिव श्री हाइड्रोपावर र। युनाईटेड इन्स्योरेन्स कम्पनीका लगानीकर्ता पनि मालामाल भएका छन् । हेर्नुहोस् सोमबार सबैभन्दा बढी नाफा गर्ने कम्पनीहरुको सूचीः
