काठमाडौं । अर्थमन्त्री जनार्दन शर्माले विदेशी मुद्रा सञ्चिति ६/७ महिनाको आयात धान्न पुग्ने रहेको जानकारी दिएका छन् । अर्थ मन्त्रालयमा सोमबार आयोजित पत्रकार सम्मेलनमा बोल्दै उनले यस्तो बताएका हुन् । अहिले ११ खर्ब ७१ अर्ब रुपैयाँ विदेशी मुद्रा सञ्चिति रहेकाले ६.७ महिनाको आयात धन्न पुग्ने उनको भनाई छ ।
अर्थमन्त्री शर्माले हाल आयात कम गर्नका लागि मन्त्रालयमा छलफलसमेत भइरहेको बताएका छन् । विदेशी मुद्राको सञ्चिति सामान्य अवस्थामा रहेको भन्दै सबै परिसूचक सामान्य अवस्थामा रहेको बताउँदै उनले फागुन महिनामा मात्रै ९१ अर्ब रुपैयाँ रेमिट्यान्स भित्रिएको बताएका छन् ।
