काठमाडौं । डिम्याट खाता खोल्नेको संख्या दिनप्रतिदिन बढीरहेको छ । सेयर बजारमा सर्वसाधारण लगानीकर्ताको सहभागिता बढ्दै जाँदा डिम्याट खाता खोल्नेको संख्या पनि बढेको हो । हाल डिम्याट खाताको सख्या ५० लाख ८९ हजार ५०० पुगेको सिडिएस एण्ड क्लियरिङ लिमिटेडले जनाएको छ ।
डिम्याटका साथै मेरो सेयर खोल्नेको संख्या पनि बढेको छ । मेरो सेयर खोल्नेको संख्या भने ४२ लाख २ हजार ७४१ रहेको छ । यस्तै सि-आस्वा सदस्य लिने बैंक तथा वित्तीय संस्थाको संख्या ५५ रहेको सिडिएससीले जनाएको छ ।
पछिल्लो समय सेयर बजारप्रति सर्वसाधारण लगानीकर्ताको आइपीओमा आर्कषण बढ्दो छ । इपीओमा आवेदन दिँदा डिम्याट खाता अनिवार्य भएकाले डिम्याट खाता खोल्नेको संख्या पनि बढेको हो । यस्तै आइपीओमा मात्रै नभएर हकप्रद, ऋणपत्र, सामूहिक लगानी योजनामा पनि लगानीकर्ताको आकर्षण देखिन्छ ।
