काठमाडौं । एभरेष्ट इन्स्योरेन्सको वार्षिक साधारणसभा वैशाख २१ गते हुने भएको छ । कम्पनीको सभा, अग्रवाल भवन, काठमाडौंमा दिउँसो २ बजेबाट हुने भएको हो । सभामा कम्पनीले गत वर्षको नाफाबाट ६% बोनस सेयर र कर प्रयोजनका लागि ०.३१% नगद लाभांश दिने प्रस्ताव सभामा पेश गर्ने भएको छ ।

यस्तै निर्जीवन बिमा व्यवसाय गर्ने उपयुक्त कम्पनीसँग गाभ्ने, गाभिने तथा प्राप्ति गर्ने सम्बन्धी सबै अधिकार सञ्चालक समितिलाई दिने प्रस्ताव सभामा पेस गरिने छ । कम्पनीले सभामा आर्थिक वर्ष २०७७/७८ को वार्षिक प्रतिवेदन, नाफा नोक्सान हिसाब तथा नगद प्रवाह विवरणमा छलफल गरी पारित गर्ने एजेन्डा पनि रहेको जनाएको छ ।

साथै आर्थिक वर्ष २०७८–७९ को लागि लेखापरीक्षक नियुक्ति र पारिश्रमिक निर्धारण गर्नेलगायतका प्रस्ताव पनि सभामा पेश हुनेछ । सभाका लागि कम्पनीले वैशाख १२ गते एक दिन बुक क्लोज गर्ने भएको छ । वैशाख ११ गतेसम्म कायम रहने सेयरधनीले सभामा भाग लिन र प्रस्तावित लाभांश पाउन सक्नेछन् ।