काठमाडौं । नेपाल राष्ट्र बैंकका गभर्नर महाप्रसाद अधिकारीले सर्वोच्च अदालतमा दायर गरेको रिट बिहीबार पनि हेर्दा हेर्दैमा रहेको छ । मंगलबार गभर्नरका पक्षबाट १२ जना वकिलले बहस गरेका छन् भने बिहीबार सरकारी पक्षबाट १३ जनाले बहस गरेका छन् । यससँगै अब अर्को पेशी शुक्रबार ११ बजेका लागि तोकिएको छ ।

न्यायाधीशद्वय सपना प्रधान मल्ल र टंकबहादुर मोक्तानको संयुक्त इजलासमा भएको सुनुवाईमा दुबै पक्षका अधिवक्ताहरुले १२ घण्टा बहस गरेका थिए । यसअघि न्यायाधीश हरिप्रसाद फुयालको इजलासले रिटमाथि सुनुवाई गर्दै अन्तरकालिन आदेश जारी गरेको थियो । शुक्रबारको पेशीमा यसअघिको आदेशलाई निरन्तरता दिने वा नदिने भन्ने विषय टुंगो लाग्नेछ ।