काठमाडौं । किसान लघुवित्त वित्तीय संस्थाले आज बुधबारदेखि संस्थापक सेयर बिक्रीमा ल्याएको छ । कम्पनीले विद्यमान संस्थापक सेयरधनीहरुले मात्र आवेदन दिन पाउने गरी सो सेयर बिक्रीमा ल्याएको हो ।

उक्त सेयरको प्रतिकित्ता मूल्य र सेयर संख्या भने खुलाईएको छैन् । सेयर खरिद गर्न ईच्छुक विद्यमान संस्थापक सेयरधनीहरुले आगामी ३५ दिनभित्र आवश्यक कागजातसहित कम्पनीको केन्द्रीय कार्यालय धनगढी, कैलाली र कर्पोरेट कार्यालय, बुढानीलकण्ठ, काठमाडौंमा आफूले खरिद गर्ने सेयर खुलाई निवेदन दिनुपर्नेछ ।

सो समयसम्ममा विद्यमान संस्थापक सेयरधनीहरुबाट आवेदन नपरेमा प्रचलित नियमअनुसार अन्य व्यक्ति वा संस्थालाई बिक्रीगर्ने कम्पनीले जनाएको छ ।