काठमाडौं :  एनसीसी बैंकले चालु आर्थिक वर्षको तेस्रो त्रैमासको वित्तीय विवरण सर्वजनिक गरेको छ। यस अवधिमा बैंकले १ अर्ब ४८ करोड ७७ लाख २२ हजार रुपैयाँ खुद नाफा आर्जन गरेको छ। जुन खुद नाफा अघिल्लो वर्षको तुलनामा  ३५.१० प्रतिशतले बढी हो। अघिल्लो वर्ष यस अवधिमा बैंकले १ अर्ब १० करोड ११ लाख ८० हजार रुपैयाँ खुद  नाफा आर्जन गरेको थियो।

यता बैंकको खुद ब्याज आम्दानी २६.८३ प्रतिशतले बढेर २ अर्ब ७३ करोड ८१ लाख ५ हजार रुपैयाँ पुगेको छ  भने सञ्चालन नाफा २३.२६ प्रतिशतले बढेर १ अर्ब ९१ करोड २९ लाख ४२ हजार रुपैयाँ पुगेको छ । यस्तै बैंकको प्रतिसेयर आम्दानी ४ रुपैयाँ ६३ पैसाले बढेर १७ रुपैयाँ ८१ पैसा रहेको छ भने प्रतिसेयर नेटवर्थ १४३ रुपैयाँ ०१ पैसा रहेको छ ।