काठमाडौं । नेपाल लाइफ इन्स्योरेन्सका नवनिर्वाचित अध्यक्ष गोविन्द लाल संघईले पद तथा गोपनियताको सपथ ग्रहण गरेका छन् । बीमा समितिका अध्यक्ष सूर्य प्रसाद सिलवालले अध्यक्ष संघईलाई बुधबार पद तथा गोपनियताको सपथ ग्रहण गराएका हुन् ।
बीमकको संस्थागत सुशासन सम्बन्धी निर्देशिका २०७५ को दफा ३ को उपदफा ४ बमोजिम उनले सपथ लिएका हुन् । गत चैत २१ गते सम्पन्न कम्पनीको साधारण सभाले संस्थापक शेयरधनीहरुको तर्फबाट अध्यक्षमा संघईलाई अध्यक्षमा निर्विरोध चयन गरेको थियो ।
सोही सभाबाट संस्थापक शेयरधनीका तर्फबाट चार जना सञ्चालकहरू निर्विरोध चयन भएका छन् । जस अनुसार निर्विरोध निर्वाचित हुने संस्थापक सञ्चालकहरूमा गोविन्द लाल संघई, कमलेश कुमार अग्रवाल, विवेक अग्रवाल र शक्ति कुमार गोल्यान छन्।
