काठमाडौं । साताको कारोबारको चौथो दिन बुधबार पनि सेयर बजार घटेको छ । मंगलबारको तुलनामा नेप्से परिसूचक २३.५० अंकले घटेर २४२८.५६ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बुधबार कुल २२६ कम्पनीको ४३ लाख ७९ हजार ०४२ कित्ता सेयर खरिद बिक्री हुँदा १ अर्ब ९९ करोडमाथिको सेयर कारोबार भएको छ । आज पनि सबैभन्दा बढी कारोबार हिमालयन डिस्टिलरी लिमिटेडको भएको छ । यस कम्पनीको ९ करोड ४१ लाख ५७ हजार ६१४ रुपैयाँ बराबरको सेयर कारोबार भएको हो ।
यस्तै बुधबारको सेयर बजारमा पनि इमर्जिङ्ग नेपालका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगेटिभ सर्किट लागेको हो । इमर्जिङ्ग नेपालको सेयरमा यस्तो गिरावट आउँदा राष्ट्र उत्थान लघुवित्त, बुद्ध भुमि नेपाल हाईड्रोपावर, नयाँ सारथी लघुवित्त र शिखर इन्स्योरेन्समा पनि उच्च गिरावट देखिएको छ । हेर्नुहोस् बुधबारको सेयर बजारमा सबैभन्दा बढी गुमाउने टप १० कम्पनीहरुको सूचीः
यसैबीच बुधबारको बजारमा सबैभन्दा बढी कारोबार हिमालयन डिस्टिलरी लिमिटेडको भएको छ । यस कम्पनीको ९ करोड ४१ लाख ५७ हजार ६१४ रुपैयाँ बराबरको सेयर कारोबार भएको हो । यस अलावा राष्ट्र उत्थान लघुवित्त, नबिल बैंक, शिभम् सिमेन्ट, नेपाल लाइफ इन्स्योरेन्स, अरुण भ्याली हाइड्रोपावर डेभलपमेन्ट कम्पनी, निफ्रा, नागरिक लगानी कोष, एनआइसी एशिया बैंक र नेपाल बैंकको पनि अत्याधिक कारोबार भएको छ । हेर्नुहोस् बुधबारको सेयर बजारमा सर्वाधिक कारोबार हुने कम्पनीहरुको सूचीः
यसैगरी बुधबारको सेयर बजारमा नेष्डो लघुवित्त वित्तीय संस्थाका लगानीकर्ताले मनग्य पैसा छापेका छन् । यस कम्पनीको सेयर मूल्यमा पोजेटिभ सर्किट लागेको हो । यस अलावा सोल्टि होटेल, तारागन रेजेन्सी होटेल, युनाइटेड इदि मर्दि हाईड्रोपावर र सिंगटी हाईड्रो इनर्जीका लगानीकर्ता पनि मालामाल भएका छन् । हेर्नुहोस् बुधबार सबैभन्दा बढी नाफा गर्ने कम्पनीहरुको सूचीः
