काठमाडौं । एनआइसी एसिया बैंकले संस्थापक सेयर बिक्रीमा ल्याएको छ । बैंकका एक जना संस्थापक सेयरधनीले आफ्नो स्वामित्वमा रहेको सेयर बिक्री गर्ने भएका हुन् । संस्थापक अनन्त कुमार गोल्याणले आफ्नो नाममा रहेको ७ लाख १९ हजार ९५० कित्ता सेयर बिक्री गर्न लागेका हुन् । यसमा एनआइसी एशिया बैंककै संस्थापक सेयरधनीले मात्र आवेदन दिन सक्ने भएका छन् ।

सेयर खरिद गर्न इच्छुक संस्थापकले अब ३५ दिनभित्र बैंकको रजिष्टर्ड कार्यालय, थापाथली काठमाडौंमा निवेदन दिनुपर्ने भएको छ । यस अवधिमा कुनै पनि संस्थापकबाट आवेदन नपरेमा भने सर्वसाधारण लगानीकर्तालाई बिक्री खुला गरिने भएको छ ।