काठमाडौं । आइतबारदेखि निर्माणको कार्य ठप्प हुने भएको छ । बजारमा निर्माण सामग्रीमा अत्यधिक मूल्यवृद्धि भएको भन्दै नेपाल निर्माण व्यवसायी महासंघले आइतबारदेखि निर्माण होलिडे मनाउने घोषणा गरेको हो । व्यवसायीहरूले केहि समयदेखि निर्माण होलिडे मनाउने तयारी गरिरहेको थियो । तर सरकारले व्यवसायीलाई आश्वासन मात्रै दिएको सम्बोधन नभएको कारण आइतबारदेखि निर्माण होलिडे मनाउने व्यवसायीहले बताएका छन् ।
महासंघका अध्यक्ष रवि सिंहले निर्माण सामग्रीको मूल्य ३ गुणासम्म बढेकाले काम गर्न नसक्ने बताएका छन् ।चालु अवस्थामा देशभर ८ हजार आयोजना सञ्चालन अवस्थामा छन् । त्यसमध्ये २७ सय म्याद थप भएको आयोजना छन् । विगतको दिनमा ९० रुपैयाँ डण्डीको मूल्य हुँदा ठेक्का गरेको आयोजनामा अहिले डण्डीको मूल्य १३० देखि १३५ रुपैयाँ पुगेको छ ।
