काठमाडौं । सिद्धार्थ इन्स्योरेन्सको वार्षिक साधारणसभा भोलि बुधबार हुँदैछ । सभा नेपाल पर्यटन बोर्डको सभाकक्ष भृकुटीमण्डप, काठमाडौंमा बिहान १०ः३० बजेदेखि सुरु हुने भएको हो । कम्पनीले सभामा आर्थिक वर्ष २०७७/७८ को नाफाबाट १५% बोनस सेयर र कर तिर्न ०.७९% नगद लाभांश वितरण प्रस्ताव गरेको छ ।
यस्तै आर्थिक वर्ष २०७७/७८ को नाफा नोक्सानलगायत अन्य प्रतिवेदन पारित गर्ने प्रस्ताव पनि सभामा पेश हुनेछ । चालु आर्थिक वर्ष २०७८/७९ को लागि लेखापरीक्षक नियुक्ति र पारिश्रमिक निर्धारण गर्ने प्रस्ताव पनि सभामा पेश हुनेछ ।
साथै निर्जीवन बिमा व्यवसाय गर्ने उपयुक्त कम्पनीसँग गाभ्ने/गाभिने वा प्राप्ती गर्ने सम्बन्धी सबै अधिकार सञ्चालक समितिलाई दिने प्रस्ताव पनि छ । सभाका लागि कम्पनीले चैत १७ गते एकदिन बुक क्लोज गर्नेछ । चैत १६ गतेसम्म कायम सेयरधनीले लाभांश र सभामा भाग लिन पाउनेछन् ।
