काठमाडौं । सनराइज  बैंक लिमिटेडले बैंकिङ पहुच नपुगेका देशका विभिन्न स्थानमा अत्याधुनिक बैँकिङ सुविधा पुर्याउने उद्देश्यले शाखारहित बैकिङ सेवा बिस्तार गर्दै आएको छ । सोही क्रममा चैत्र ८ मंगलबार बैंकले प्रदेश ५, बर्दिया जिल्लाको गेरुवागाउँपालिका वडा नं.३ शान्तिबजारमा ८८औं शाखा रहित बैङकि सेवा शुभारम्भ गरेको थियो ।

साथै मंगलबार बैंकले प्रदेश ४, गोरखा जिल्लाको पालुङ्गटार नगरपालिका वडा नं. ७ विरुवाटारमा ८९औं शाखारहित बैंकिङ सेवा शुभारम्भ गरेको छ । उक्त शाखा रहित बैंकिङ सेवाहरु संचालनमा आएसंगै बैंकको शाखारहित बैंकिङ संख्या ८९ पुगेको छ । बैंकले सेवा सञ्चालनका लागी गेरुवाका पूरन धामीर विरुवाटारकी हिरा सुनारलाई व्यवसायिक प्रतिनिधिका रुपमा नियुक्त गरेको छ । सो शाखा रहित बैंकिङ निक्षेप संकलन, रकमभुक्तानी, रकम स्थानान्तरण,बिल भुक्तानी लगायत बैंकले प्रदान गर्ने अन्य सेवा समेत उपलब्ध गराइने बताएको छ ।