काठमाडौं । साताको कारोबारको अन्तिम दिन बिहिबार नेप्से परिसूचक बढेको छ । बुधबारको तुलनामा नेप्से परिसूचक ४.९४ अंकले बढेर २३२५.४५ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बिहिबार कुल २३१ कम्पनीको ३९ लाख ९१ हजार ०५१ कित्ता सेयर खरिद बिक्री हुँदा १ अर्ब ६२ करोडमाथिको सेयर कारोबार भएको छ । आज पनि सबैभन्दा बढी कारोबार नेष्डो समृद्धि लघुवित्त वित्तीय संस्थाको भएको छ । यस कम्पनीको १० करोड ३६ लाख २७ हजार ०२९ रुपैयाँ बराबरको सेयर कारोबार भएको हो ।

यस्तै बिहिबारको सेयर बजारमा घलेम्दी हाइड्रोपावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ पतिशतभन्दा बढीले घटेको हो । घलेम्दीको सेयरमा यस्तो गिरावट आउँदा राष्ट्रिय बीमा कम्पनी, आइएमइ जनरल इन्स्योरेन्स, जनरल इन्स्योरेन्स कम्पनी, सेन्ट्रल फाइनान्स र नेपाल फाइनान्समा पनि उच्च गिरावट देखिएको छ । हेर्नुहोस् बिहिबारको सेयर बजारमा सबैभन्दा बढी गुमाउने टप १० कम्पनीहरुको सूचीः

यसैबीच बिहिबारको बजारमा पनि सबैभन्दा बढी कारोबार नेष्डो लघुवित्त वित्तीय संस्थाको भएको छ । यस कम्पनीको १० करोड ३६ लाख २७ हजार ०२९ रुपैयाँ बराबरको सेयर कारोबार भएको हो । यस अलावा नबिल बैंक, सूर्या लाइफ इन्स्योरेन्स, एनआइसी एशिया बैंक, हिमालयन डिस्टिलरी, राष्ट्रिय बीमा कम्पनी, छिमेक लघुवित्त, नेपाल फाइनान्स, निफ्रा र अपि पावर कम्पनीको पनि अत्याधिक कारोबार भएको छ । हेर्नुहोस् बिहिबारको सेयर बजारमा सर्वाधिक कारोबार हुने कम्पनीहरुको सूचीः

यसैगरी बिहिबारको सेयर बजारमा पनि जाल्पा सामुदायिक लघुवित्त वित्तीय संस्था र ग्रिन भेन्चर्सका लगानीकर्ताले मनग्य पैसा छापेका छन् । यी कम्पनीहरुको सेयर मूल्यमा पोजेटिभ सर्किट लागेको हो । यस अलावा समिट लघुवित्त वित्तीय संस्था, गणपति लघुवित्त वित्तीय संस्था, जनउत्थान सामुदायिक लघुवित्त वित्तीय संस्था, युनियन लाइफ इन्स्योरेन्स र ङादी ग्रुप पावरका लगानीकर्ता पनि मालामाल भएका छन् । हेर्नुहोस् बिहिबार सबैभन्दा बढी नाफा गर्ने कम्पनीहरुको सूचीः