काठमाडौं । साताको कारोबारको चौथो दिन बुधबार नेप्से परिसूचक घटेको छ । मंगलबारको तुलनामा नेप्से परिसूचक ३६.७३ अंकले घटेर २३२०.५१ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बुधबार कुल २२८ कम्पनीको ३५ लाख ७० हजार ०१४ कित्ता सेयर खरिद बिक्री हुँदा १ अर्ब ४५ करोडमाथिको सेयर कारोबार भएको छ । आज सबैभन्दा बढी कारोबार नेष्डो लघुवित्त वित्तीय संस्थाको भएको छ । यस कम्पनीको १४ करोड १९ लाख ४७९ रुपैयाँ बराबरको सेयर कारोबार भएको हो ।

यसैगरी बुधबारको सेयर बजारमा जाल्पा सामुदायिक लघुवित्त वित्तीय संस्था र ग्रिन भेन्चर्सका लगानीकर्ताले मनग्य पैसा छापेका छन् । यी कम्पनीहरुको सेयर मूल्य ९ प्रतिशतभन्दा बढीले बढेको हो । यस अलावा सामुदायिक लघुवित्त वित्तीय संस्था, ८.५% एसबिएल डिबेन्चर २०८४, एनआइसी एशिया ग्रोथ फण्ड र सिद्धार्थ इक्वीटि फण्डका लगानीकर्ता पनि मालामाल भएका छन् । हेर्नुहोस् बुधबार सबैभन्दा बढी नाफा गर्ने कम्पनीहरुको सूचीः

यस्तै बुधबारको सेयर बजारमा नेष्डो लघुवित्त वित्तीय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगेटिभ सर्किट लागेको हो । नेष्डोको सेयरमा यस्तो गिरावट आउँदा हिमालय उर्जा विकास कम्पनी, तेह्रथुम पावर कम्पनी, युनियन हाइड्रोपावर, राष्ट्र उत्थान लघुवित्त र गोर्खाज फाइनान्समा पनि उच्च गिरावट देखिएको छ । हेर्नुहोस् बुधबारको सेयर बजारमा सबैभन्दा बढी गुमाउने टप १० कम्पनीहरुको सूचीः

यसैबीच बुधबारको बजारमा पनि सबैभन्दा बढी कारोबार नेष्डो लघुवित्त वित्तीय संस्थाको भएको छ । यस कम्पनीको १४ करोड १९ लाख ४७९ रुपैयाँ बराबरको सेयर कारोबार भएको हो । यस अलावा एनआइसी एशिया बैंक, सिद्धार्थ बैंक, अरुण भ्याली हाइड्रोपावर डेभलपमेन्ट कम्पनी, नबिल बैंक, हिमालयन डिस्टिलरी, निफ्रा, मेरो माइक्रोफाइनान्स वित्तीय संस्था, ङादी ग्रुप पावर र शिभम् सिमेन्ट को पनि अत्याधिक कारोबार भएको छ । हेर्नुहोस् बुधबारको सेयर बजारमा सर्वाधिक कारोबार हुने कम्पनीहरुको सूचीः