काठमाडौं । जनरल इन्स्योरेन्स कम्पनीले हकप्रद सेयर निष्कासन गर्ने भएको छ । कम्पनीले ३० प्रतिशत हकप्रद सेयर निष्कासन गर्ने भएको हो । कम्पनीले हकप्रद सेयर निष्कासनका लागि बीमा समिति समक्ष सहमतिको लागि निवदेन पेश गरेको थियो । बीमा समितिले सहमति दिएसँगै कम्पनीले सार्वजनिक रुपमा हकप्रद सेयर निष्कासन गर्ने जानकारी दिएको छ ।
कम्पनीको जेठ ६ गते अपरान्ह साढे ५ बजे बसेको सञ्चालक समितिको बैठकले हकप्रद सेयर निष्कासनको प्रस्ताव गरेको हो । समितिबाट अनौपचारिक रुपमा सहमति पाएसँगै कम्पनीले स्वीकृतीका लागि बीमा समिति समक्ष अर्को निवेदन पेश गर्नेछ । हाल कम्पनीको चुक्ता पुँजी १ अर्ब रहेको छ ।
