काठमाडौं । घलेम्दी हाइड्रोपावरले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीे यस त्रैमासमा १ करोड ६ लाख ७७ हजार रुपैयाँ नोक्सानमा रहेको छ । अघिल्लो वर्षको यसै अवधिमा कम्पनी २ करोड ४५ लाख रुपैयाँ नोक्सानमा रहेको थियो ।
कम्पनीको विद्युत बिक्रीबाट हुने आम्दानी भने ८०.७९ प्रतिशतले वृद्धि भएर ३ करोड १० लाख रुपैयाँ पुगेको छ । अघिल्लो वर्ष यसै अवधिमा कम्पनीले १ करोड ७१ लाख रुपैयाँ विद्युत बिक्रीबाट आम्दानी गरेको थियो ।
रिजर्भ कोष भने ९१ लाख ३३ हजार रुपैयाँ ऋणात्मक रहेको कम्पनीको चुक्ता पुँजी ५५ करोड रुपैयाँ रहेको छ । यस्तै कम्पनीको प्रतिसेयर आम्दानी १ रुपैयाँ ९४ पैसा नोक्सानमा रहेको छ भने प्रतिसेयर नेटवर्थ ९८ रुपैयाँ ३४ पैसा रहेको छ ।
