काठमाडौं । रिभर फल्स पावर लिमिटेडको आइपीओ बाँडफाँट भएको छ । कम्पनीले आयोजना प्रभावित स्थानीयहरुलाई जारी गरेको आइपीओ सोमबार बाँडफाँट गरेको हो । कम्पनीले चैत्र २७ गतेदेखि वैशाख ११ गतेसम्म संखुवासभा जिल्लाका स्थानीयलाई ७ लाख कित्ता सेयर निष्कासन गरेको थियो ।
रिभर फल्सले रितपूर्वक आवेदन दिएका ७ हजार ५८५ जना स्थानीयहरुलाई सेयर बाँडफाँट गरेको हो । १० कित्तादेखि १३० कित्तासम्म माग गर्ने सबैलाई माग अनुसार सेयर बाँडफाँट गरिएको छ । त्यस्तै १३० कित्ता भन्दा बढी माग गर्ने २ हजार ३३० जना स्थानीयहरुलाई पनि १३० कित्ताकै दरले सेयर दिइएको छ । जसमध्ये २ हजार २९२ जनालाई भने गोलाप्रथामार्फत १० कित्ता थप गरेर १४० कित्ता सेयर बाँडफाँट गरिएको कम्पनीले जनाएको छ । बाँडफाँडको नतिजा प्रभु क्यापिटलको वेवसाइट https://results.prabhucapital.com बाट हेर्न सकिने कम्पनीले जनाएको छ ।
