काठमाडौं । नबिल बैंक र नेपाल बंगलादेश बैंक मर्जरको मुद्दाको सुनुवाइ सरेको छ । कामु प्रधानन्यायाधीश दीपककुमार कार्की र न्यायाधीश प्रकाशकुमार ढुंगानाको इजलास तोकिएकोमा वहस गर्ने वकिल उपस्थित हुन नसक्दा बुधबारलाई सुनुवाइ सरेको हो ।

अघिल्लो एकल इजलासले मंगलबारका लागि सुनुवाइ तोकेको थियो । इजलासले अन्तरिम आदेश दिएमा तत्कालका लागि मर्जर नहुने भएको छ भने नदिएमा प्रकृया अगाडि बढ्ने भएको छ।

लक्ष्मीबहादुर श्रेष्ठ समूहको कम्पनी दिवेश्वरी इन्भेष्टमेन्ट प्रालि र नेपाल पावर डेभलपमेन्ट एण्ड इन्भेष्टमेन्ट कम्पनीले दुई छुट्टाछुट्टै मुद्दा हालेको थियो । कम्पनीले हालेको रिटमा एकल इजलासले मंगलबारसम्मका लागि मर्जर प्रकृया रोक्न आदेश दिएको थियो ।