NABIL AD
Civil Bank

एनबिका कर्मचारीको आन्दोलन लगभग तुहियो, युनियनकै अध्यक्ष भन्छन्- ‘आन्दोलन अहिलेलाई थाती राखिने भईयो’

GARIMA BANK AD
  • अर्थ सरोकार सम्बाददाता

काठमाडौँ । नबिलसँग बिलय हुँदा सबै सिनियर कर्मचारीको एक तह घटुवा हुनेगरी नेपाल बंगलादेश बैंकले सम्झौता गरेपछि रुष्ट बनेका कर्मचारीको आन्दोलन तुहिने संकेत देखिएको छ । शुक्रबार ‘आगो’ भएर प्रस्तुत भएका कर्मचारी युनियन अधिकारीहरु आइतबारको एक दिनको आन्दोलन नसकिंदै सिथिल हुँदै गएपछि आन्दोलन तुहिने संकेत देखिएको हो । संघले आफ्ना माग पूरा नभएसम्म आन्दोलन जारी गर्ने भनेको थियो । तर आइतबार नै आन्दोलन तुहिनेगरी व्यवस्थापन र युनियनका नेताबीच छलफल भएको बुझिएको छ ।

‘आन्दोलनका कार्यक्रम अगाडी नबढाउने निष्कर्षनजिक छौं’ : युनियनका अध्यक्ष
आन्दोलन लगभग स्थगित हुने स्थितिमा पुगीसकेको दाबी व्यवस्थापनले गरेपछि हामीले यस विषयमा बुझ्न बैंकको कर्मचारी युनियनका अध्यक्ष योगेश श्रेष्ठलाई फोन गरेका थियौं । उनले पनि अहिले आन्दोलनका कार्यक्रम अगाडी नबढाउनेगरी स्थिति उत्पन्न भएको दाबी गरेका छन् । ‘तपाईंहरुको आन्दोलन कसरी अगाडी बढ्दैछ ?’ अर्थ सरोकारको प्रश्नमा युनियनका अध्यक्ष श्रेष्ठ भन्छन्, ‘आन्दोलनका थप कार्यक्रम अगाडी नबढाउने स्थिति उत्पन्न भएको छ ।’ ‘भनेको आन्दोलन स्थगित भएको हो ?’ हाम्रो प्रश्नमा उनले भने, ‘स्थगित नै चाहिं नभनौँ । व्यवस्थापनसँग वार्ता हुँदैछ । सरहरु पोजिटिभ हुनुहुन्छ । थप केहि भयो भने मनै हजुरलाई फोन गरौँला ।’ उनले आइतबार बेलुकी यसो भनेपछि हामीले वार्ता के भएछ भनेर बुझ्न उनलाई सोमबार विहान फोन गर्यौं । तर उनले फोन नै उठाएनन् । यसले आन्दोलन लगभग तुहियो भन्ने आशंका गर्ने ठाउँ छ ।

नबिलले एनबिको व्यवस्थापनलाई भन्यो, ‘सकेसम्म फकाएर, नभए थर्काएर पनि आन्दोलन तुहानुहोस’
यता नबिल बैंकको व्यवस्थापनले एनबिको व्यवस्थापनलाई कर्मचारीको आन्दोलन तुहाउन मौखिक निर्देशन दिएको छ । ‘हाम्रो बैंकले एनबिलाई कर्मचारीको आन्दोलन तुहाउन भनिसक्यौं । उहाँहरुले पनि लगभग कुरा मिलिसक्यो भनिसक्नुभएको छ ।’ नबिल बैंकको उच्च व्यवस्थापनका एक अधिकारीले अर्थ सरोकारसँग भने, ‘यस्तो बखेडा निस्कियो भने र यति पनि ज्ञानेन्द्र (ढुंगाना)जी ले मिलाउन सक्नुभएन भने यत्रो नबिल कसरी सम्हाल्नुहुन्छ ?’

आफ्नो नाम उल्लेख नगरी आफ्ना सबै कुरा समाचारमा राखिदिन आग्रह गर्दै उनले अगाडी भने- ‘अनि एनबि बैंकका कर्मचारीको माग पूरा हुने सम्भावना के छ ?’ हाम्रो प्रश्नमा ती अधिकारीले भने, ‘१ प्रतिशत पनि छैन । सबैले आफ्नो हैसियतअनुसार खोज्ने हो । अहिले एक तह घटुवा गर्ने निर्णय भएको छ । निहुँ खोजे भने दुई तह घटुवाको निर्णय हुन्छ । १ नम्बर बैंकसँग पुछारबाट गन्ती हुने बैंक बिलय हुने अनि भागचाहिं ठुलो खोजेर हुन्छ ? अहिलेलाई एक तहमात्र भनेका छौं । बखेडा झिके भने २ तह घटुवा हुन्छ । खानेले जागिर खान्छन् । नखाने घर जान्छन् ।’

‘अनि आन्दोलन जारी भयो भने के हुन्छ ?’ हाम्रो प्रतिप्रश्नमा ती अधिकारीले भने- ‘केहि पनि हुँदैन। आन्दोलनको नेतृत्व गर्ने को हो ? उसले भोलि जागिर खानु पर्दैन ? बैंकमा काम गरेपछि जे गर्न पनि पाइन्छ ? त्यस्तो एनबिमा चल्ला, नबिलमा चल्दैन । ठुला कुरा गर्नेलाई के गर्नुपर्छ, हामीले पनि जानेका छौँ । मैले पनि मागपत्र हेरें । आमरण अनशन नै बसेछन् भने पनि घटुवाको निर्णय फिर्ता हुँदैन।’

Artha Sarokar EXCLUSIVE

Hamro Parto AD
MEGA

प्रतिक्रिया दिनुहोस्

सिफारिस:

GOLDEN OAK AD
अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2022.

Artha Sarokar® Trademark Registered. Regd. No. : 047796

Maintained By : Eservices Nepal