काठमाडौँ । ग्राहकहरुलाई उच्चतम् ब्याजदरबाट लाभाम्वित बनाउने उद्देश्यले बैंक अफ काठमाण्डू लिमिटेडले BOK प्रिमियम प्लस बचत खाता सार्वजानिक गरेको छ । हाल बैंकिङ क्षेत्रहरुमा साधारणतया बैंकहरुले बचत खातामा ग्राहकहरुलाई प्रदान गर्ने ब्याजदर भन्दा बढि ब्याजदरको व्यवस्था सहित अन्य धैरे नि:शूल्क सुबिधाहरु रहेको यस बचत खाता खोली ग्राहकहरुले उच्चतम् लाभ लिन सक्नेछन् ।
“अब बचत गर्ने अझ बढ्नेछ रहर, जब पाइन्छ अन्य खाताहरु भन्दा अधिक ब्याजदर” भन्ने मुलनाराका साथ सार्वजनिक गरीएको यस बचत खातामा ग्राहकहरुले ८.०३%को उच्चतम व्याजदर पाउनेछन् । साथै, रु. १०,००० को न्यूनतम मौज्दात राखी खाता खोल्न सकिने यस बचत खातामा ग्राहकहरुलाई थुप्रै निःशुल्क बैंकिङ सेवाहरुको व्यवस्था रहेको छ । ग्राहकहरुले सामान्यतया शुल्क तिर्नुपर्ने बैंकिङ सेवाहरु जस्तै चेक बुक,Balance Certificate, Demat Account, E-commerce Activation, ABBS खाताको विवरण, मेरो सेयर Connect IPS, डेबिट कार्ड, क्रेडिट कार्ड तथा मोबाईल बैैंकिङ यस बचत खातामा निशुल्क उपलब्ध हुनेछ ।
यस बचत खाताका विशेषताहरु निम्न बमोजिम रहेका छन ।
१. वार्षिक ८.०३% ब्याजदरको ब्यवस्था ।
२. न्यूनतम् मौज्दात रु १०,०००।
३. त्रैमासिक रुपमा ब्याज आम्दानी हुने ।
४. निशुल्क चेक बुकको ब्यवस्था ।
५. Balance Certificate को लागि कुनै शुल्क नलाग्ने ।
६. सेयर कारोबारको लागि आवश्यक डिम्याट खाता निशुल्क खोल्ने ब्यवस्था ।
७. विभिन्न अनलाईन सेवा प्रदायक संस्थाहरुबाट वस्तु तथा सेवा खरिद गरि बैंकको कार्डबाट भुक्तानी गर्नलाई आवश्यक E-Commerce Activation सेवा निशुल्क प्रदान गरिने ।
८. ग्राहकहरुले यस बैंकको कुनै शाखा कार्यालयबाट अर्को शाखा कार्यालयमा जतिसुकै रकम पठाउदा शुल्क नलाग्ने ।
९. पहिलो वर्ष निशुल्क मेरो शेयर सुबिधा ।
१०. निशुल्क खाताको विवरण उपलब्ध गरिने ।
११. पहिलो वर्ष निःशुल्क डेबिट कार्डको सुबिधा ।
१२. पहिलो वर्ष निःशुल्क मोबाइल बैंकिङको सुबिधा ।
१३. पहिलो वर्ष निःशुल्क Connect IPS सुबिधा ।
साथै, बैंकका ग्राहकहरुको आवश्यकतालाई मध्यनजर गरि संचालनमा ल्याइएको यस बचत खातामा महानुभावहरुले आफ्नो बचत रकममा उच्चतम् प्रतिफलको लाभ पाउनुहुने विश्वाश बैंकले लिएको छ । हालसम्म बैंक अफ काठमाण्डू लिमिटेडले ९८ शाखा कार्यालयहरु, ९३ एटिएम र १० एक्स्टेन्सन काउन्टरबाट आफ्ना ग्राहक महानुभावहरुलाई उत्कृष्ट बैंकिङ सुविधा प्रदान गर्दै आईरहेको छ ।
