काठमाडौं । प्रचलित कानुनको धज्जी उडा उदांउदौदैन विभिन्न ब्रोकर कम्पनीहरुले मनपरी ढंगले नियम मिचेर सेयर कारोबार गरेको खुलासा भएको छ । धितोपत्र कारोबार सञ्चालन विनियमावली,२०७५ को परिच्छेद २ को बुँदा नम्बर ५ अन्तर्गत कारोबार इकाईका सम्बन्धमा भएको व्यवस्था विपरित ती ब्रोकर कम्पनीहरुले सेयर कारोबार गरेको खुलासा भएको हो । कारोबार इकाइभन्दा कम परिमाणको धितोपत्र अडलट हुने धितोपत्रको कारोबारलाई अडलट कारोबार भनिन्छ ।
सोमबार पहिलो कारोबार भएको सीवाइसी नेपाल लघुवित्त वित्तीय संस्था लिमिटेडको कारोबारमा विभिन्न ७ ब्रोकर कम्पनीहरुले अडलट कारोबार गरेको पा इ ए को हो। सोमबारबाट पहिलो कारोबार भएको सीवीवाइसी नेपाल लघुवित्तको कुल ११ कारोबारमध्ये १० कारोबार अडलटमा भएका छन् भने सो अडलट कारोबारमा ब्रोकर नम्बर ७, १४, ४०, ४३, ५३, ५८, र ५९ संलग्न रहेको नेप्सेको फ्लोरसिट तथ्यांकमा देखिएको छ ।
धितोपत्र कारोबार सञ्चालन विनियमावली,२०७५ को परिच्छेद २ को बुँदा नम्बर ५ अन्तर्गत कारोबार इकाईका सम्बन्धमा भएको व्यवस्था अनुसार कारोबार इकाई वा सो भन्दा बढी धितोपत्र भएका धितोपत्रधनीहरुले त्यस्तो धितोपत्रलाई अडलट बनाई बिक्री गर्न पाइने छैन । ब्रोकरहरुले यस्तो मनपरी गर्दा पनि नेप्से भने मुकदर्शक भएर बसेको छ ।
